4 желтоқсаннан бастап елде Enpf-otbasy.kz платформасы арқылы офтальмологиялық қызметтерге өтініш қабылдау тоқтатылады. Бұл туралы «Отбасы банк» АҚ хабарлады.
Денсаулық сақтау министрлігі стоматология мен офтальмологияны біржолғы зейнетақы төлемі арқылы төленетін қызметтер тізімінен алып тастады.
Өзгеріс қабылданғанға дейін жолданған өтініштер бұрынғы тәртіппен қаралады. Қазір банкте офтальмология бойынша 13,3 млрд теңгені құрайтын 15 808 өтініш қарастырылып жатыр.
Отбасы Банк дерегінше, стоматология бойынша өтініштер қабылдау тоқтағаннан кейін офтальмологияға сұраныс 7 есе артқан.
Айта кетейік, таяуда Атырау қаласының тұрғыны Аслан Дүйсенов БЖЗҚ-дан ақша аудару үшін жалған клиника ашты деген күдікке ілінді.
фото: freepik.com
