Атырау қаласының тұрғыны Аслан Дүйсенов БЖЗҚ-дан ақша аудару үшін жалған клиника ашпағанын айтып, өзіне тағылған айыптарды жоққа шығарды. Бұл туралы Аслан Дүйсенов әлеуметтік желіде жариялаған видеоүндеуінде хабарлады.
«Мен ешкімді алдаған жоқпын. Стоматология ресми жұмыс істеп келді. Біз бір жылдай емхана ретінде заңды түрде қызмет еттік», — деді ол.
Таяуда Қаржы мониторингі агенттігі Дүйсенов пен тағы екі адамның зейнетақы жинақтарын жалған стоматологиялар арқылы шешіп, 46 млрд теңге көлемінде заңсыз пайда тапты деп күдікке ілінгенін мәлімдеді.
Күдіктілер тізімінде Аслан Қамбарұлы Дүйсенов, Ғаббас Иманбаев, Есімхан Баяндиевич Елешев бар. Оларға Маңғыстау мен Атырау облыстарында қағаз жүзінде жеті емхананы ашып, тіс емдеуге арналған зейнетақы қаражатын жымқырған деген айып тағылды.
фото: istockphoto.com
