Қазақстан Көкшетау, Семей және Өскемен қалаларында салынатын үш жылу электр станциясын (ЖЭС) өз күшімен тұрғызады. Бұл туралы вице-премьер-министр Роман Скляр Үкіметтің баспасөз конференциясында хабарлады.
2025 жылдың ақпанында Сенат Қазақстан мен Ресей арасындағы біртұтас энергетика жүйелерінің бірге жұмыс істеуі туралы заңға қол қойды. Келісім аясында ресейлік «Интер РАО» компаниясы ЖЭС құрылысын жүргізуді қолға алды.
««Интер РАО» құрылысқа арналған экспорттық қаржыландыруды ала алмады. Сондықтан ЖЭС-ты өзіміз салу туралы шешім қабылдадық. Қазір Көкшетауда станция құрылысы жүріп жатыр. Тапсырыс беруші – «Самұрық-Энерго». Компания Семей мен Өскемен ЖЭС-терін де қаржыландырмақ», — деді премьер-министрдің бірінші орынбасары.
Склярдың айтуынша, егер ресей тарапынан қаржыландыру туралы ұсыныс түссе, «Самұрық-Энерго» оларды серіктес ретінде тартуға дайын.
Жаңа станциялар электр қуаты нарығы арқылы өз бағасын ақтауы тиіс. Қазіргі таңда жобаның құжаттамасы әзірленіп жатыр, 1 гигаватт қуаттың құны шамамен 2—2,5 млн долларды құрайды.
Сонымен қатар, 2023 жылдан бастап жылу электр станцияларын жөндеу мен жаңғыртуға бөлінетін бюджет көлемі артты. Қазір «қызыл аймақта» болған 10 ЖЭС қауіпсіз «жасыл аймаққа» өтті.
фото: freepik.com
