Сенат Қазақстан мен Ресей арасындағы біртұтас энергетика жүйелерінің бірге жұмыс істеуіне рұқсат беретін заңды мақұлдады.
Үкімет бұл келісім бойынша екі елдің электр жүйелеріне ортақ мәселелер шешіледі деп хабарлаған.
Енді жыл сайын Қазақстан Ресейден қанша электр энергиясын алатыны және оның бағасы нақты бекітіледі.
Энергетика министрі Алмасадам Сәтқалиев «Бұл шешім электрмен жабдықтаудың сенімділігін арттырып, энергетикалық жүйеде апаттар қаупін азайтады», — деген еді.
Сарапшы Бауыржан Биахметов екі мемлекеттің энергетикалық жүйесін бірігіп басқару Қазақстанға пайдалы болмайтынын айтты. Жоба іске қосылғаннан кейін Қазақстандағы электр тарифі өсуі мүмкін.
Қазақстанда жаңа жылу электр станциялары Көкшетау, Семей және Өскемен қалаларында салынады. Бұл жобаларды Ресейдің «Интер РАО» мемлекеттік компаниясы жүзеге асырады.
