Батыс Қазақстан аграрлық-техникалық университетінің әскери кафедра оқытушылары осы күнге дейін аз жалақы алып келген. Орал гарнизонының әскери прокуратурасы мұның заңсыз екенін анықтады.
Тексеріс нәтижесінде оқытушылардың жалақысы еңбек заңнамасына сай емес екені белгілі болды. Прокуратура олардың жалақысын басқа да мамандардың еңбекақысымен теңестіруге ықпал етті. Соның нәтижесінде әскери кафедра оқытушыларының жалақысы 150-200 мың теңге дейін көтерілді.
Айта кетейік, Батыс Қазақстан индустриалдық колледжі директорына бюджеттен 49 млн теңгеден астам қаражат жымқырды деген айып тағылды.
фото: istockphoto.com
