ШҚО-да бұрынғы полиция қызметкері тергеліп жатыр. Полиция органында қызмет атқарған Асқар Жұмағұлов пен Нұрбек Дәуренге қылмыстық іс қозғалған. Оларға кәмелеттік жасқа толмаған жасөспірімді зорлады деген айып тағылып отыр.
«Қазір оқиғаның барлық мән-жайын анықтауға бағытталған кешенді тергеу шаралары жүргізілуде», — деп хабарлады ШҚО полиция департаментінің баспасөз қызметі.
Екі күдікті уақытша ұстау абақтысына қамалған. Департамент Жұмғаұловтың теріс қылық танытқаны үшін жұмыстан шыққанын хабарлаған. Телеграм арнаның бірінде А. Жұмағұловтың 35 жаста, Н. Дәуреннің 29 жаста екені жазылған.
Полиция қызметкерлерінің зорлық-зомбылық жасағаны туралы бірнеше оқиға тіркелген. 2024 жылы Бурабай аудандық полиция бөлімінің полиция аға лейтенанты Д. Шайғұлақов 21 жастағы қызды зорлады деген ақпарат тарады.
фото: КазТАГ
