Жапондық Сусуму Китагава, австралиялық Ричард Робсон және американдық Омар Яги химия саласындағы өнертабысы үшін Нобель сыйлығының 117-лауреаты атанды. Бұл туралы Нобель премиясының марапаттау рәсімінде белгілі болды.
Ғалымдар соңғы 35 жыл бойы газдар мен басқа химиялық заттар ене алатын кеңістіктері бар молекулалық құрылымдарды зерттеп келген. Жұмыстарының нәтижесінде олар металл-органикалық қаңқаларды ойлап тапты. Аталмыш материал металл иондарын көміртекті молекулалармен байланыстырып, қуыстары бар ерекше кристалдар түзеді.
Металл-органикалық қаңқалар шөлейтті жерлерде ауадан су жинау, көмірқышқыл газын сіңіру және химиялық реакцияларды катализдеу сияқты мақсаттарда қолданылмақ.
