Алматы қаласында блогер, қоғам белсендісі Санжар Боқаев ұсталды. Бұл жөнінде Бас прокуратура хабарлады.
Боқаев Қылмыстық-процестік кодексінің 128-131-баптарына сәйкес ұсталды. Оған әлеуметтік желіде жалған ақпарат таратып, қоғамда теріс пікір қалыптастырғаны үшін күдікке ілінді деген айып тағылған.
Боқаев желіде Алматының саябақтарда ағаштар заңсыз кесілгені жайлы хабарлаған. Тергеу дерегіне сай ол табысы төмен адамдарды тартып, оларға ақшалай сыйақы ұсынып, ағаш кесуді тапсырған.
Сонымен қатар күдікті аса ірі мөлшерде қаржы жымқырды деген күдікке де ілінді.
Айта кетейік, Санжар Боқаев саясаткер, блогер және қоғам белсендісі ретінде танымал.
Бұған дейін Алматы қаласындағы гранит плиталардың құлыптас әзірлейтін цехке тасымалданып жатқаны туралы бейнежазба жариялаған еді.
Боқаев құрылыс саласындағы заңсыздықтар жөнінде жазып, елдегі саяси оқиғаларға байланысты сыни пікірін жиі жариялайтын.
Блогер кейінгі уақытта қоғамдық бақылауды тоқтататынын, АҚШ-та кәсіппен шұғылданатынын мәлімдеген еді. Ол құқық қорғау құрылымдары ізіне түскенін бірнеше рет ашық айтқан. Бірақ Ішкі істер министрлігі Боқаевтың сөзін жоққа шығарған.
фото: freepik.com
