Америкадан ғалымдар де кете бастауы мүмкін. АҚШ президенті Донльд Трамптың саясаты ғылым саласында жүргендерді тығырыққа тіреді. Осыған байланысты Еуропа комиссиясының төрағасы Урсула фон дер Ляйен Трамп саясатын сынап, ғалымдарды Еуропаға қоныс аударуға шақырды.
«Ғылымда төлқұжат, жыныс, ұлт, саяси партия жоқ дегенге бәріміз де келісеміз ғой. Әралуандық – адамзаттың қазынасы және ғылымның қан тамыры деп есептейміз. Бұл – ең құнды жаһандық игіліктердің бірі және оны қорғау керек», – деді Урсула фон дер Ляйен.
Euronews ақпараты бойынша Трамп билікке келгелі федеральды бюджетті қысқартуға көшкен. Президент ғылыми қауымдастыққа, зерттеу институттарына және медицина орталықтарына грант есебінде бөлінетін миллиардтаған долларды бюджетке қайтару керек деп шешті. Қазіргі уақытта климаттың өзгеруі, қатерлі ісік, Альцгеймер ауруы және АИТВ-ның алдын алумен күресуге бағытталған бағдарламалар тоқырап жатыр.
«Жаңа өтінішінде Трамп Конгрестен Ұлттық денсаулық институты (NIH) шығынының 37 пайызын, ал Ұлттық ғылым қоры бюджетінің (NSF) 50 пайыздан астамын қысқартуды сұрады», — деп жазды Euronews.
Урсула фон дер Ляйен мен Францияның президенті Эмманюэль Макрон жаңа бағдарламаның іске қосылғанының хабарлады. DW басылымының дерегінше шетел ғалымдарын тарту үшін Еуропа одағы 500 млн евро бөлмек. Үшжылдық бағдарлама әсіресе АҚШ-тан келетін ғалымдарды қабылдауға мүмкіндік береді.
фото: Gonzalo Fuentes/AP
