Иранның ұшқышсыз әуе аппараттары Әзербайжанның Нахчыван автономиялық республикасына соққы жасады. Бұл туралы Әзербайжанның Сыртқы істер министрлігі хабарлады.
Дрондардың бірі Нахчыван әуежайына құлаған, ал тағы бірі Шакерабад ауылындағы мектептің маңына түскен. Шабуыл салдарынан екі адам зардап шекті.
Куәгерлер түсірген бейнежазбаларда әуежай маңында қою қара түтін көтерілгені көрінеді. Нахчыван халықаралық әуежайы Иран шекарасынан шамамен 10 шақырым жерде орналасқан.
Әзербайжан бұл жағдайды халықаралық құқық нормаларын бұзу
деп бағалап, Ираннан нақты түсініктеме талап етіп отыр.
Естеріңізге сала кетейік, 28 ақпанда АҚШ пен Израиль Иранда әскери қақтығыс бастады. Шабуылға жауап ретінде Иран Таяу Шығыс елдерін дронмен атқылады.
Сонымен қатар Иран билігі әлемдік мұнай экспорты үшін маңызды Ормуз бұғазы арқылы танкер тасымалдауға тыйым салды.
4 наурызда президент Қасым-Жомарт Тоқаев елдегі әуежайлар мен теңіз порттарының қауіпсіздігін күшейтуді тапсырды.
