Қазақстанда заңсыз жолмен 3,1 млрд теңгеден астам табыс тапқан «bingo37.pro» құмар ойынына қатысты тергеу басталды. Бұл туралы Қаржылық мониторинг агенттігі хабарлады.
Заңсыз ойын ұйымдастырған Р. Бахтияр Оглыға халықаралық іздеу жарияланып, сот оны сырттай қамауға алу туралы шешім шығарды. Биыл
қаңтарда ол Грузия аумағында ұсталып, Қазақстанға экстрадицияланды.
Күдіктінің Porsche Cayenne және Lexus GX 460 автокөліктері тәркіленді. Тергеу амалдары жалғасып жатыр.
Қаржы айналымын жасыру үшін Грузия мен Тәжікстан азаматтары дроппер болған: ұтыстан түскен қаражат ұйымдастырушының қалтасына емес, дропперлердің шотына түсіп тұрған.
Айта кетейік, ақпан айының басында Қаржылық мониторинг агенттігі заңсыз ойын бизнесін ұйымдастырды деген күдікпен АҚШ және Украина азаматына іздеу салды.
фото: istockphoto.com
