QazaqGaz Ұлттық компаниясы Батыс Қазақстан облысындағы Казталов, Бөкей Орда және Жаңғала аудандары аумағындағы Саралжын учаскесінде геологиялық барлау жұмыстарын жүргізуді бастайды. Бұл туралы Энергетика министрлігі хабарлады.
Аталған аумақ көмірсутектердің жаңа қорларын анықтауға әлеуеті жоғары аудан ретінде бағаланып отыр.
Жоспарға сәйкес, учаскеде геологиялық барлау жұмыстарының толық кешені жүргізіледі. Оған сейсмикалық барлау, іздеу-барлау ұңғымаларын бұрғылау және кен орнын өнеркәсіптік игеру мүмкіндіктерін анықтау кіреді.
Айта кетейік, Қазақстанда аз зерттелген аумақтарда көмірсутек қорларын барлауға 1 млрд доллар көлемінде инвестиция құю жоспарланған. Мемлекет бұл зерттеу жұмыстарының кемінде 50%-ын қаржыландырады.
фото: istockphoto.com
