Батыс Қазақстан облысында шекара арқылы электронды темекі тасымалдамақ болған азамат ұсталды. Бұл туралы облыстық экономикалық тергеп-тексеру департаменті хабарлады.
Айыпталушы сот шешімімен 300 айлық есептік көрсеткіш, яғни 1 179 600 теңге көлемінде айыппұл төлейді.
Шекара қызметімен бірге жүргізген тексеру кезінде күдікті Ресей қалаларының бірінен «WAKA» маркалы 175 электронды темекіні өткізбек болғаны анықталды. Вейп орындықтардың астына, жүк салғыштың қуысына және құрал-сайман қорабына салынған.
Сондай-ақ таяуда «WAKA» маркалы 99 вейпті заңсыз әкелген азаматқа 500 айлық есептік көрсеткіш мөлшерінде, яғни 1 966 000 теңге айыппұл салынды.
фото: freepik.com
