Өткен жылдың қорытындысы бойынша БҚО-да 15 табиғи монополия қызметінен заңбұзушылық анықталды. Ұлттық Банктің қайта қаржыландыру мөлшерлемесін ескере отырып монополиялар 132,23 млн теңге өтеуге міндеттелді. Қаражат тұтынушыларға тарифті төмендету арқылы қайтарылады, деп хабарлады табиғи монополияларды реттеу комитетінің облыстық департаментінің басшысы Гүлжаз Қазбекова.
Кәсіпорындардың қатарында электрмен, жылумен, сумен жабдықтау, су бұру, газ тасымалдау және кірме жол қызметін көрсететін ұйымдар бар.
Тарифтік заңнаманы бұзғаны үшін кәсіпорындарға 19 млн теңге айыппұл салынды.
Айта кетейік, 2024-2025 жылдардағы жылыту маусымының қорытындысы бойынша «Жайықжылуқуат» АҚ тарапы жылуды қажет көлемде жеткізбегені анықталды. Жылу есептегіш құралдары жоқ тұтынушыларға 3 403 037 теңге қайтарылмақ.
