Елде жаңа мемлекеттік орган – Қазақстанның халық кеңесі құрылады. Бұл туралы президент Қасым-Жомарт Тоқаев ұлттық құрылтайда мәлімдеді.
Халық кеңесіне Қазақстан халқы ассамблеясы мен ұлттық құрылтайдың функциялары беріледі.
Жаңа орган өзге елдердің тәжірибесіне сүйенеді. Кеңесте барлық этностар, әлеуметтік топтар мен өңірлердің өкілдері қамтылады.
Халық кеңесі 126 адамнан тұрады. Кеңеске этномәдени бірлестіктерден 42 адам, ірі қоғамдық ұйымдардан 42 адам, мәслихаттар мен өңірлік қоғамдық кеңестерден 42 адам қабылданады.
Кеңес мүшелерін президент тағайындайды, ал төраға кеңес мүшелері тарапынан сайланады.
