Атырау облысындағы Томарлы ауылында үш адам газдан уланып қайтыс болды. Бұл туралы облыстың төтенше жағдайлар департаменті хабарлады.Қайғылы жағдай 28 желтоқсанда сағат 13:40-та Томарлы ауылындағы жер үйлердің бірінде болған. Тұрғындар табиғи газбен жұмыс істейтін жылыту пешінен уланған.
Қазір оқиға орнында медициналық сараптама жүріп жатыр. Полиция департаменті тергеу жұмыстарын бастады.
18 желтоқсанда Орал қаласының Зашаған кентінде орналасқан жеке тұрғын үйде бір отбасының 6 мүшесі табиғи газдан
уланды. Зардап шеккендер арасында 1 ересек адам және 2-13 жас аралығындағы 5 бала бар. Олар бірден ауруханаға жеткізілді.
