Ақтөбе облысында 23 оқушы тәтті тағамнан уланып, 9 оқушы ауруханаға түскен. Бұл туралы Ақтөбе облысының денсаулық сақтау басқармасының баспасөзі хабарлады.
Ақпанның 18-інде Ақтөбе облысының Қобда ауданында 4-сыныпта оқитын 23 бала тәттіден уланып, ауруханаға түсті. Уланған оқушылардан жүрек айну, көз жасаурау, бөртпе шығу сияқты ортақ белгілері байқалған.
Ақтөбе облысының денсаулық сақтау басқармасының мәліметінше, оқушылардың бірі мектептен тыс жерден сатып алған тәттіні сыныпқа алып келген. Сол тәттіні жегеннен кейін 7 бала өзін нашар сезінген. Дәрігерлер 7 баланың асқазанын шайып, тазалаған. Сол күні екі баланы ата-анасы үйлеріне алып кеткен.
Денсаулық сақтау басқармасы оқушылар деген өнім сараптамаға жіберілгенін, нәтиже анықталған соң улану себебі хабарланатынын мәлімдеді.
Былтыр қыркүйек айының басында Маңғыстау облысының Бесшоқы ауылында 83 бала мектеп асханасы тамағынан уланып, ауруханаға жатқызылды. Мектептегі 460 бала дәрігер бақылауына алынды.
Сурет: Владимира ТРЕТЬЯКОВА
