Талдықорған қалалық соты «Жетісу» футбол клубы» КМҚК директоры Қалмұрат Дөңсебаевқа қатысты үкім шығарды. Оқу-жаттығу жиындары кезінде клуб футболшыларының азық-түлігін сатып алуға бөлінген 31,9 млн теңге бюджет қаражатын жымқырғаны үшін кінәлі деп тапты.
Антикордың мәліметінше, Дөңсебаев 7 жылға бас бостандығынан айырылды. Сонымен қатар оған мемлекеттік қызметте және квазимемлекеттік сектор субъектілерінде өмір бойына жұмыс істеуге тыйым салынды. Бұл шешім залалдың толық өтелуіне және сотталушының ауыр сырқатына байланысты қабылданған.
Бұған дейін «Жетісу» футбол клубының спорт директоры Д. М. Иманқұлов 5,5 млн теңге жымқырғаны үшін сотталды.
Былтыр желтоқсанда Маңғыстаудағы «Каспий» футбол клубының басшысы 27 млн теңгеден астам қаражатты жымқырғаны үшін сотталған болатын.
Одан бөлек Батыс Қазақстан облысындағы «Ақжайық» футбол клубына да қатысты дау болған еді. Құрамаға бөлінген 400 млн қаражатты су басқа бағытқа жұмсап, футбол клубын мемлекеттік қаржыладырудан айырған болатын.
Сурет: Антикор
