Орал қаласында метапневмовирусын жұқтырған 2 бала тіркелді. Екеуі де 14 жасқа дейінгі балалар.
Осыған дейін ҚР Денсаулық сақтау министрілігі Қазақстанда 2024 жылғы 1 қазаннан бері 30 адамнан метапневмовирус анықталды деп хабарлаған болатын.
Бүгін президент Қасым-Жомарт Тоқаев Астанадағы Еуразия ұлттық университетінің студенттер үйіндегі кездесуінде метапневмовирус туралы «даңғаза жасаудың қажеті жоқ» деген пікір білдірді.
«Қазір бәрі жаңа инфекция туралы айтып жатыр. Меніңше, одан даңғаза жасаудың қажеті жоқ. Сондықтан Қытаймен ынтымақтастықты одан әрі дамытуымыз керек» — деді Тоқаев.
Метапневмовирустан болатын өлім көрсеткіші 43%-ға жетеді деген болжамды ұсынды Atameken Business арнасы. Арна бұл ақпаратты халықаралық басылымға сілтеме жасап хабарлады.
Адам метапневмовирусы — көптеген елдерде кездесетін және Қазақстанда ЖРВИ мен тұмау маусымында белсенді таралатын классикалық вирус. Ол негізінен ауа тамшылары арқылы беріледі. Негізгі белгілері: жөтел, мұрыннан су ағу, ентігу, тырысу және бас ауруы. Бұл вирусты емдеудің арнайы тәсілі жоқ, симптоматикалық ем қолданылады.
Денсаулық сақтау министрлігі халықты профилактика шараларын сақтауға және адамдар көп жиналатын жерлерде байланыстарды шектеуге шақырады, бұл әсіресе созылмалы аурулары бар осал пациенттерге қатысты екенін айтады.
Әлеуметтік желі мен бұқаралық ақпарат құралдары бұл вирустың бастауы Қытайдан деген пікірді жарыса жазып жатыр.
Сурет: yuz.uz
