2024 жылдың 27 қарашасынан бастап Қазақстан Ресеймен шекарадағы төрт ірі автомобиль бақылау-өткізу пунктінде CarGoRuqsat электронды кезек жүйесін іске қосуды жоспарлап отыр. Бұл туралы ҚР Мемлекеттік кірістер комитеті хабарлады.
CarGoRuqsat жүйесі енгізілетін бақылау-өткізу пунктері:
- «Жаңа жол» (Солтүстік Қазақстан облысы)
- «Сырым» жол» (Батыс Қазақстан облысы)
- «Қайрақ» (Қостанай облысы)
- «Жайсан» (Ақтөбе облысы)
Бұл жүйе 2023 жылдың қараша айынан бастап кезең-кезеңімен енгізіліп келеді және қазіргі уақытта 24 шекаралық бақылау-өткізу пунктінде жұмыс істейді.
CarGoRuqsat жүйесі бұған дейін Ақсай, Жәнібек, Орда және Шаған өткізу пункттерінде сәтті іске асырылған және оң нәтижелер көрсеткен.
CarGoRuqsat жүйесі отандық әзірлеушілер мен «CarGoRuqsat» онлайн брондау сервисінің мамандарымен жасалған. Бұл сервис ҚР Қаржы министрлігінің «Ақпараттық-есептік орталығы» АҚ мемлекеттік қатысуымен жүзеге асырылды.
Жүйенің ерекшеліктері:
- Жүйе Qoldau.kz цифрлық платформасы негізінде жүзеге асырылған және пайдаланушылар үшін тегін.
- Жүк тасымалдаушыларға алдын ала кезек брондау мүмкіндігін береді.
- Қажетті құжаттарды ақпараттық жүйелер арқылы автоматты түрде тексеруге болады.
- Шекарадағы жүк көліктерінің жиналуын болдырмауға және тәуекелдерді басқару жүйесін автоматтандыруға мүмкіндік береді.
Электронды кезекке қалай тіркелуге болады?
- https://cgr.qoldau.kz/ru/start сілтемесі арқылы тіркеліп, «CarGoRuqsat» қосымшасына кіру.
- Өткізу пунктін, шекарадан өту күні мен уақытын таңдап, жүргізуші мен автокөлік туралы деректерді енгізу.
- Өтінім мақұлданғаннан кейін шекараға уақытында келу қажет
Қосымша ақпаратты CarGoRuqsat жүйесінің ресми сайтынан біле аласыз.
Сурет: gov.kz
