Қазақстан Ұлттық қауіпсіздік комитеті әзілкеш Нұрлан Сабуровқа қатысты тексеру жұмыстарын бастады. Сабуров Украинадағы соғысты қаржыландырған деген күдікке ілініп отыр.
Айта кетейік, 2025 жылдың шілдесінде желіде әзілкештің «Вагнер» тобына 10 жол талғамайтын мотоцикл сыйлап, соғыстан «жеңіспен оралуын» тілеген видеосы тарады. Бұл бейнеден кейін қоғам белсендісі Марат Тұрымбетов Бас прокуратураның атына арыз түсіріп, Сабуровтың шетелдегі соғысқа қаржылай қолдау көрсетуін тексеруді талап еткен.
Нұрлан Сабуровқа ҚР Қылмыстық кодексінің 170-бабы бойынша іс қозғалуы мүмкін. Бапта Қазақстан шет мемлекеттің қарулы қақтығыстарына қатысқандарға жаза қолдану көзделген.
Украинада аталған видеоға байланысты қылмыстық іс қозғалды. Елдің қауіпсіздік қызметі Ресей әскеріне материалдық көмек көрсеткендерге қатысты тексеру жұмыстарын жүргізіп жатыр.
Ақпан айының басында әзілкеш Нұрлан Сабуровқа Ресей аумағына кіруге 50 жыл тыйым салынды. Сабуров миграциялық тәртіпті бұзып, РФ аумағында белгіленген уақыттан артық тұрған.
