Қазір Батыс Қазақстан облысының денсаулық сақтау жүйесінде 180 маман жетіспейді. Кадр тапшылығы қалада 116 дәрігерді, аудандарда 64 маманды құрайды. Бұл туралы өңірдің Денсаулық сақтау басқармасының басшысы Мадияр Өтешев.
Облыста жалпы тәжірибелік дәрігерлер, акушер-гинекологта, хирургтар мен терапевтер жетіспейді.
Айта кетейік, 2025 жылы Бәйтерек, Бөкей орда, Бөрлі, Жәнібек, Казталов, Тасқала және Шыңғырлау секілді шекара аудандарындағы ауруханаларда 50 дәрігер жетіспейтіні анықталды.
Қазір өңірде 1 800 дәрігер және 6 500-ден астам орта медициналық қызметкер жұмыс істейді.
«Мәселені шешу үшін 2025 жылдан бастап көтерме жәрдемақы мөлшері ауылдық жерлерде 8,5 млн теңгеге, қалада 5 млн теңгеге дейін артты. 2024–2025 жылдары облысқа 327 дәрігер тартылып, 2025 жылы мамандарды қолдауға 1 млрд теңгеден астам қаражат бөлінді. Сонымен қатар жыл сайын медициналық жоғары оқу орындарына 45 грант және резидентураға шамамен 20 грант қарастырылып отыр», — деді басқарма басшысы.
фото: istockphoto.com
