34 жастағы демократ Зохран Мамдани Нью-Йорк қаласының мэрі қызметіне ресми түрде кірісті, деп хабарлады BBC агенттігі.
Зохран Мамдани — америкалық саясаткер, демократиялық партия мүшесі. Ол 34 жасында Нью-Йорк қаласының мэрі қызметіне кірісіп, қала тарихындағы ең жас мэрлердің біріне айналды. Бұрынғы қала басшысы Эрик Адамс бұл қызметке 62 жасында келген.
Мамдани Нью-Йорк тарихында Құранға қол қойып ант берген алғашқы мэр атанды. Ант қабылдау рәсімін Нью-Йорк штатының бас прокуроры Летиция Джеймс өткізді.
Салтанаттың екінші бөлігі қала әкімдігі ғимараты алдында өтіп, онда жаңа мэрден антты Вермонт штатынан тәуелсіз сенатор Берни Сандерс қабылдады. Ол қала тұрғындарына Мамданиді АҚШ-та алауыздық пен әділетсіздік күшейген кезеңде сайлағаны үшін алғыс айтты.
4 қарашада өткен сайлауда Мамдани 50,3% дауыс жинады. Мамдани сайлауалды бағдарламасында тұрғын үй жалдау ақысын реттеу, қоғамдық автобустарда тегін жүру, жалпыға бірдей мектепке дейінгі білім беру және муниципалдық азық-түлік дүкендерін ашу бастамаларын ұсынған.
Мамдани мен Трамп
Сайлау кампаниясы кезінде Трамп Мамданиді коммунист деп атап, ол жеңіске жеткен жағдайла Нью-Йоркты қаржыландыруын шектейтінін айтты. Ал Мамдани Трампты «фашист» деп сипаттаған.
2025 жылдың қаршасында аты аталған екі тұлға Ақ үйдегі кездесу кезінде тіл табысты, деп хабарлады BBC.
«Біздің ортақ тұсымыз бар: екеуміз де өзіміз сүйетін қалаға зор табыс тілейміз», — деді Трамп келіссөз барысында.
фото: Yuki Iwamura/AP Photo/picture alliance
