Әлеуметтік маңызы бар азық-түлік бағасын тұрақтандыруға бөлінетін несиелерді беру кезінде кейбір кәсіпорынға басымдық берген «Орал» өндірістік кооперативінің басшысына іс қозғалды. Бұл туралы Бәсекелестікті қорғау және дамыту агенттігінің БҚО бойынша басшысы Сағындық Иргалиев хабарлады.
Тергеу нәтижесінде ауыл шаруашылығы тауарларын өндірушілерге арналған несие беру кезінде жекелеген кәсіпкерлерге дискриминация жасалғаны белгілі болды.
Заңбұзушылықтар бойынша жауапты лауазымды тұлға әкімшілік жауапкершілікке тартылып, 589 мың теңге мөлшерінде айыппұл төлеуге міндеттелді.
Айта кетейік, Ұлттық статистика бюросы ұсынған деректерден Батыс Қазақстан облысының тұрғындары айлық табысының тең жартысын азық-түлікке жұмсайтыны белгілі болды.
фото: freepik.com
