Қазақстанда АИ-92 бензинінің қымбаттауына және сұйытылған мұнай газының жетіспеушілігіне қатысты азаматтардың шағымдарын қабылдайтын жедел желі іске қосылды. Бұл туралы Энергетика министрлігі хабарлады.
Ведомствоның дерегінше, бензин мен дизель отыны өңірлердің өтінімдеріне сәйкес жеткізіліп, мұнай базаларында жеткілікті көлемде сақталған.
«Тапшылыққа себеп болатын объективті факторлар жоқ», — делінген хабарламада.
Кейбір өндіруші зауыттардағы жоспарлы жөндеу жұмыстары ескеріліп, сұранысы жоғары өңірлерге қосымша автогаз бөлінген.
Қазақстанда АИ-92 бензинінің құны орташа есеппен 213-тен 239 теңгені дейін құрайды. «Sinooil» жанармай бекетінде бензин бағасы – 234 теңге, «Helios» станциясында – 233 теңге, ал «Nomad» желісінде 231 теңгеге жетеді.
Азаматтар АИ-92 бензинінің негізсіз қымбаттауы немесе отын тапшылығымен бетпе-бет келсе +7 701 855 0248 нөміріне хабарласа алады.
Қазан айында мемлекет АИ-92 маркалы бензин мен дизель отыны бағасын өсіруге мораторий жариялады.
Батыс Қазақстан облысында газбен жүретін 25 мың көлік бар, көршілес Атырау облысында газбен жүретін 24 мың көлік тіркелген, алайда БҚО-ға газ көлеміне беріліп отырған лимит белгісіз себептермен Атыраудан екі есе кем. Бұл мәселе жайында Sarapshy.info мақаласынан оқыңыз.
фото: freepik.com
