БҚО-да жол қозғалысын бақылаған дрондардан ақау табылды. Олар көлік жылдамдығын нақты көрсете алмаған.
Облыс прокурорының орынбасары Азамат Құстанов «Экин-патруль», «Икс-спотер» жүйелері арқылы жылдамдықты шегінен асыру бойынша 683 әкімшілік хаттама қате толтырылғанын хабарлады.
Ресми дерек бойынша 2025 жылдың қаңтар-қыркүйек айларында былтырғы дерекпен салыстырғанда облыста жол-көлік оқиғалар саны 10%-ға, жарақат алғандар саны 15%-ға артты. Жол апаты салдарынан 54 адам жазым болды.
Тоғыз айда 198 мыңнан астам әкімшілік құқық бұзушылық тіркелді.
Жол қозғалысына байланысты Орал қаласында қауіпті учаскелер де анықталды:
- Тюленин – Шолохов
- Шолохов – Есенжанов
- Төле би – Әбілқайыр хан
- Әбілқайыр хан – Сырым Датов
- Әбілқайыр хан – Громов көшелерінің қиылыстары
Айта кетейік, 23 қазанда Ақтөбе облысындағы трассада екі көлік соқтығысып, 12 адам көз жұмды.
фото: pexels
