Қазақстанда Цифрлық даму, инновациялар және аэроғарыш өнеркәсібі министрлігі қайта ұйымдастырылып, оның негізінде Жасанды интеллект және цифрлық даму министрлігі құрылды. Бұл туралы президенттің баспасөз қызметі хабарлады.
Президент қол қойған жарлыққа сәйкес, инновациялық қызметке қатысты функциялар мен өкілеттіктер Ғылым және жоғары білім министрлігіне өтеді.
Естеріңізге сала кетейік, 8 қыркүйекте өткен жолдауында Қасым-Жомарт Тоқаев үкіметке Жасанды интеллект министрлігін құруды тапсырды.
Құжатта Жасанды интеллект және цифрлық даму министрлігі мен Ғылым және жоғары білім министрлігі бір-бірінің құқықтары мен міндеттемелерін қабылдайтыны көрсетілген.
Үкіметке мемлекеттік органдар мен оларға қатысты ұйымдардағы штат санын қайта бөлу және өзге де қажетті шараларды қабылдау тапсырылды.
фото: freepik.com
