Күнделікті тұрмыста қонақ күту үшін әр отбасы біраз тиын-тебен жұмсайды.
Sarapshy.info редакциясы Ұлттық статистика бюросының Батыс Қазақстан облысындағы азық-түлік бағалары статистикасына сүйене отырып,шамамен он адамға арналған дастарханға қойылатын дәмнің жалпы бағасын есептеп көрді.
Меймандарға ұсынылатын басты тағамы – ас (іңкәл). Оны әзірлеу үшін шамамен үш килограмм жылқы еті қажет, оның құны 8469 теңге. Бұған қосымша бір дана пияз – 145 теңге, жарты келі ұн – 331 теңге, он дана жұмыртқа – 489 теңге, сүт – 484 теңге, күнбағыс майы – 400 теңге және тұз – 68 теңгеге шығады. Осылайша, ас әзірлеуге барлығы 10 386 теңге жұмсалады.
Дастарханның сәнін келтіретін салаттар да шығынды қажет етеді. Өңірдекөкөністердің келісінің бағасы мынадай: қызанақ келісіне – 716 теңге, қияр – 372 теңге, қырыққабат – 176 теңге, сәбіз – 252 теңге, қызылша – 279 теңге. Ал салаттың дәмін арттыратын майонездің құны – 1821 теңге. Барлығын қосқанда, салат әзірлеуге шамамен 3616 теңге қажет.
Тәттісіз шәй ішу мүмкін емес. Тоқаштың келісі – 1196 теңге, пірәндік – 1087 теңге, кәмпит – 2041 теңге, қант – 431 теңге болып, осыған 4755 теңге жұмсау қажет.
Жеміс-жидек алсақ, алманың келісі 774 теңге, банан – 1041 теңге, апельсин – 1165 теңге, ал кептірілген өріктің жарты келісі– 1875 теңге тұрады. Яғни сауда 4855 теңге жұмсалады.
Оған қоса, сусындарға кететін шығын бар: үш литр шырынның құны – 1710 теңге, ал 200 грамм шай – 1045 теңге. Сусындардың жалпы бағасы – 1615 теңге.
Осылайша, шамамен он адамға арналған азық-түліктің жалпы құны 26 797теңгені құрайды. Сонда бір отбасы қонақ қарсылауға орта есеппен 30 мың теңге жұмсайды. Әрине, шығынын алдын ала әбден есептеп, ақшаны үнемдей білу – қаржылық сауат көрсеткіші
фото: istockphoto.com
