9 қыркүйектен бастап көшеде валюта бағамы жазылған тақтайшаларды ілуге тыйым салынды. Енді бағамдар тек айырбастау пункттерінің ішінде көрсетіледі. Бұл шешім Ұлттық банктің 23 маусымда қабылданған қаулысымен бекітілді.
Жаңа ереже әуежай, вокзал, іскерлік орталықтар, казино және шекаралық бекеттерде орналасқан пункттерден басқа барлық айырбастау орындарына қолданылады.
Қаулыға сәйкес, шетел валютасын қолма-қол сатып алу және сату бағамы туралы ақпарат тек ғимарат ішінде көрсетілуі тиіс. Ол операциялық касса жанындағы ақпараттық стендте орналастырылады, ал стендтің көлемі 0,4×0,4 метрден кем болмауы қажет.
фото: istockphoto.com
