15 тамыз күні Астанадағы Назарбаев университетінде 22 жастағы студент қыз жатақхананың 12-қабатынан құлап, көз жұмды. Бұл туралы қалалық полиция департаменті хабарлады.
Полиция аталған дерек бойынша қылмыстық іс қозғағанын хабарлады.
NU баспасөз қызметі марқұмның туыстары мен жақындарына көңіл айтты. Сонымен қатар, студенттер мен қызметкерлерге психологиялық қолдау көрсетіліп жатқанын атап өтті.
Естеріңізге сала кетейік, 1 тамызда Алматыдағы Қазақ Ұлттық университетінің 1-курс студенті ректораттың 14 қабатынан құлап көз жұмды.
фото: 2gis.kz
