Ақтаудағы Mangystau Oil Refining компаниясы 2025 жылдың қаңтарынан наурызына дейін жұмысшыларға еңбекақы төлемеген. Бұл туралы Маңғыстау облыстық прокуратурасы хабарлады.
Ведомство дерегінше, кәсіпорын 241 қызметкерге 197 млн теңге қарыз. Прокурорлық тексеруден кейін әр қызметкердің жалақысы толық өтеліп, жұмыс беруші әкімшілік жауапкершілікке тартылды.
Компания мұнай өнімдерін өндіру және өнеркәсіптік нысандарды техникалық қамтамасыз етумен айналысады. Бас директоры Рамиз Рамазанов – бұған дейін Ақтау порты арқылы мұнайды заңсыз тасымалдау ісі бойынша күдікті ретінде танылған.
Mangystau Oil Refining қазір Түркістан облысындағы шағын мұнай өңдеу зауытына қатысты даулы сот процесіне қатысып жатыр. Кәсіпорынның бұрынғы иелері келісімнен бас тартып, зауытта қайтаруды талап еткені белгілі.
Жұмысшыларға жалақы төлемеген Mangystau Oil Refining компаниясы әкімшілік жауапкершілікке тартылды
Mangystau Oil Refining зауыты
