Орал қаласы мен Подстепное ауылы арасындағы көпір жөндеуге жабылады. «ҚазАвтоЖол» ҰК» АҚ мәліметі бойынша, жөндеу жұмысына 1,2 млрд теңге бөлінген.
2025 жылдың 17 шілдесіндегі сағат 20:00-ден 1 тамыз күнгі сағат 8:00-ге дейін көпірмен қозғалыс шектеледі.
«Халықаралық маңыздағы KAZ10 «Ақтөбе–Орал–РФ шекарасы (Сырым бекеті)» автомобиль жолының 254–262 шақырымдары аралығында (Орал қаласы мен Подстепное ауылы маңында) Жайық өзені үстіндегі көпірде деформациялық жіктерді ауыстыру жұмысы жүргізіледі», — деп хабарлады «ҚазАвтоЖол» ҰК».
Жергілікті билік балама жол ретінде Бортау (Меловые горки) кенті арқылы өтетін айналма жолды ұсынып отыр. Зачаганск кенті мен Орал қаласы арасында кептеліс орнауы мүмкін. Осыған байланысты тұрғындар қозғалысты, оған жұмсалатын уақытты алдын ала жоспарлау қажет.
2023 жылы да осы көпір жөнделген еді.
фото: zhaikpress.kz
