Екібастұздағы ірі кәсіпорындар салықтан жалтарып, мемлекетке жүздеген миллион теңге шығын келтірген. Бұл туралы қалалық прокуратура хабарлады.
Прокуратураның мәліметінше, «Экибастұз ГРЭС-1» компаниясы табыс әкелмейтін қызмет түрлеріне жұмсалған шығындарының арқасында 421 млн теңгені «үнемдеп» қалуға тырысқан.
Ал «Қазақстан вагон жасау компаниясы» өнім айналымын төмен көрсетіп, салық сомасынан 550 млн теңге шегерген.
Екі кәсіпорын да кінәсін мойындап, жетіспейтін қаражатты бюджетке қайтаруға міндеттелді.
фото: freepik.com
