Коммуналдық тарифтердің бағасы тек баяу қарқынмен өсетіні белгілі болды. Бұл туралы премьер-министр Олжас Бектенов баспасөз конференциясында мәлімдеді.
Үкімет басшысының сөзінше, тарифтерді біртіндеп өсіру арқылы тұрғын үй-коммуналдық шаруашылығына инвестиция тартуға мүмкіндік бар. Оның айтуынша, 2023 жылдан бастап жүзеге асырылып жатқан «Тарифті – инвестицияға айырбастау» бағдарламасы аясында бұл салаға 605 млрд теңгеден астам қаражат құйылған.
Бектенов қазіргі тарифтік саясаттың нәтижесінде Екібастұз бен Риддер қалаларында болған ірі апаттарды еске салып, жағдайды түзетудің жалғыз жолы – бағаны нарыққа бейімдеу екенін атап өтті.
«Егер біз жылу мен жарықты үздіксіз жеткізуді қаласақ, коммуналдық тарифтер кезең-кезеңімен өсе береді», – деді премьер-министр.
фото: Үкімет сайтынан
