2025 жылы су заңнамасын бұзғаны үшін 75,2 млн теңгеге 365 айыппұл салынды. Бұл туралы Су ресурстары және ирригация министрлігі хабарлады.
Былтыр вегетация кезеңінде 1,2 млн гектар жерді суаруға шамамен 11,1 млрд текше метр су пайдаланылған. Оның 9,4 млрд текше метрін «Қазсушар» мемлекеттік кәсіпорнының филиалдары қамтамасыз етті.
Тексеру және түсіндіру жұмыстарының нәтижесінде су пайдалануға 1500 рұқсатқағаз рәсімделген.
Айта кетейік, 2025 жылдың шілде айында күрішке су ысырап еткен Түркістан мен Қызылорда облыстарындағы «Қазсушардың» басшыларына қатаң сөгіс жарияланды.
фото: freepik.com
