2024 жылы барлық көлік түрінің жолаушылар тасымалынан 1,2 трлн кіріс түскен.
Ұлттық статистика бюросының мәліметінше, елде 2024 жылдың қаңтар-желтоқсан айларында барлық көлік түрлерімен тасымалданған жолаушылар саны мен одан түскен кіріс те артқан.
«2024 жылдың қаңтар-желтоқсан аралығында Қазақстанда барлық көлік түрімен 1,7 млрд жолаушы тасымалданды, бұл 2023 жылдың сәйкес кезеңімен салыстырғанда 9,3% артық. Көлік тасымалынан түскен кірістер 1,2 трлн теңгені құрады. Жолаушылар айналымы 82,8 млрд ж-км жетті, бұл 2023 жылмен салыстырғанда 13,8% артық», – делінген хабарламда.
2024 жылы жолаушылардың басым бөлігі автомобиль және қалалық көлікпен (автобустар, троллейбустар, такси) 1,6 млрд жолаушы тасымалдаған, бұл жалпы көрсеткіштің 97,9%-ы. Өткен жылмен салыстырғанда 9,4%-ға көп. Тасымалдан түскен кіріс – 326,6 млрд теңге.
Келесі жиі қолданылатын көлік түрі теміржол көлігімен 20,8 млн жолаушы (+5,1% өсім) тасымалданып, олардан түскен кіріс – 117,6 млрд теңге болған. Бұл 2023 жылмен салыстырғанда 5,1% артық.
Әуе көлігімен 14,6 млн жолаушы тасымалданған, бұл 2023 жылдың сәйкес кезеңімен салыстырғанда 10,6% артық. Әуе тасымалынан түскен кіріс 818 млрд теңге болды.
14,6 млн жолаушы (+10,6% өсім) әуе көлігін пайдаланған, жолаушылардан түскен кіріс 818 млрд теңгеге жеткен.
Теңіз және жағалау көлігімен 101,1 мың жолаушы тасымалданды (2023 жылмен салыстырғанда 2,5 есе көп). Түскен кіріс – 180,7 млн теңге.
Ішкі су көлігімен 231,1 мың жолаушы (+90,9% өсім) тасымалданып, кіріс – 543,1 млн теңге болған.
Сурет: Pexels.com
