2024 жылдың соңғы айында елде жылдық инфляция 8,6%-ға өскен. Қараша айында бұл көрсеткіш 8,4% болды. Ұлттық банк мәліметінше, жылдық инфляцияның қарқынды өскені 10 өңірде байқалған, 9 өңірде баяулап, 1 өңірде өзгеріссіз қалған.
Инфляцияның ең жоғары көрсеткіші Астана қаласында тіркелген. Желтоқсандағы есеп бойынша азық-түлік тауарларының бағасы бір жылда 5,5%-ға дейін өскен (қарашада – 5,4%). Азық-түлік бағасы Жетісу облысында шарықтады (7,9%), ал Түркістан облысында (3,0%) төмендеді.
Қазақстанда азық-түлік тауарларына қатысты жылдық инфляция көрсеткіші Жетісу (7,9%), Ақмола (7,2%) облыстарында, Алматы қаласында (6,8%), Батыс Қазақстан (6,6%), Абай (6,5%), Қарағанды (6,4%), Маңғыстау, Шығыс Қазақстан (6,1%-дан), Атырау, Солтүстік Қазақстан (5,9%-дан), Ақтөбе (5,8%) облыстарында елдегі деңгейден (ж/ж 5,5%) жоғары..
Азық-түлікке жатпайтын тауарлар бағасының өсу қарқыны жылдан жылға 8,3%-ға дейін үдеді (қарашада – 8,0%). Ең жоғары мән Түркістан облысында (13,2%), ең төменгі мән Павлодар облысында (5,3%) тіркелді.
Азық-түлікке жатпайтын тауарлардың бағасы Түркістан (13,2%), Маңғыстау (12,4%), Солтүстік Қазақстан (10,0%), Атырау (9,3%), Шығыс Қазақстан (9,2%), Ұлытау (8,8%), Қарағанды (8,7%) облыстарында, Шымкент қаласында (8,7%), Ақмола (8,6%), Абай (8,5%), Қызылорда (8,4%) облыстарында елдегіден (ж/ж 8,3%) жоғары өсті.
Желтоқсанда ақылы көрсетілетін қызмет бағасы 13,3% болған, бұл бұрынғы көрсеткішпен бірдей. Сонымен қатар баға Астана қаласында (16,9%) жалпы республикалық деңгейден біршама жоғары, Түркістан облысында (9,5%) айтарлықтай төмен өсті.
Ақылы көрсетілетін қызмет бағасы мына өңірлерде: Астана қаласында (16,9%), Павлодар (14,5%), Ақтөбе (14,4%), Қарағанды (14,1%), Қызылорда (13,8%), Ақмола және Батыс Қазақстан (13,7%- дан) өңірлерінде, Алматы қаласында (13,6%), Жетісу (13,5%) және Солтүстік Қазақстанда (13,4%) жалпы республикалық деңгейден (ж/ж 13,3%) жоғары өсті.
Желтоқсанда ел төңірегінде айлық инфляция 0,9%-ға өсті, бұл – бұрынғы орташа мәнінен жоғары (2017-2021 жылдардағы желтоқсанда – 0,7%).
