Үндістанның оңтүстігіндегі Телангана штатындағы химиялық зауытта жарылыс болып, 40-қа жуық адам қаза тапты. Зардап шеккен ондаған адам ауруханаға жатқызылды, деп жазды Podrobno.uz.
Оқиға дүйсенб күні таңмен болған. Қазіргі мәлімет бойынша жарылыс салдарынан қаза тапқандардың саны 39-ға жетті. Ондаған адам жараланып, ауруханаға жатқызылды.
Sigachi Industries компаниясына тиесілі химиялық зауыттың реактор блогында болған жарылыстан өнеркәсіптік ғимарат қирап, өрттің өршуіне себеп болды.
«Жарылыс өнеркәсіп сарайын толығымен қиратты. Оның күшті болғаны сонша, кейбір жұмысшылардың денесі 100 метр жерге дейін ұшып түсті», — деді денсаулық сақтау министрі Дамодар Раджанарасимха.
Куәгерлердің айтуынша, жарылыс кезінде зауыт аумағында 90-ға жуық адам болған. Құтқару жұмыстары түні бойы жалғасты – үйінді астынан қаза тапқандардың денелері шығарылды.
Телангана штатының үкіметі зауыт иесінен жарылыс құрбандары мен қаза тапқандардың отбасыларына өтемақы төлеуді талап етуде. Sigachi Industries Ltd зардап шеккендердің отбасыларына әрқайсысына 1 миллион рупий (10 миллион теңге) төлейтіні хабарланды. Үкіметтің өзі де зардап шеккендерге осындай мөлшерде қаражат төлемек.
фото: hindustantimes.com
