Алматы қаласының Бостандық ауданында сумен жабдықтау мәселесіне байланысты төтенше жағдай жариялануы мүмкін. Бұл туралы аудан әкімдігі жариялаған құжаттан белгілі болды.
Қазір «Көкшоқы» шағын ауданы, «Алма» тұрғын үй кешені мен іргелес үй тұрғындары сусыз отыр. Осы себептен халықтың қауіпсіздігін қамтамасыз ету және техногендік сипаттағы төтенше жағдайдың салдарын жою мақсатында төтенше жағдай жариялау ұсынылған.
Құжатында инженерлік желілерді жаңғырту, су басу қаупінің алдын алу, сондай-ақ жекелеген жол учаскелерінде, оның ішінде тау бөктеріндегі аймақтарда қауіп-қатерді азайту жұмыстарын жүргізу көзделген.
Жоба Ашық НҚА порталында 13 ақпанға дейін талқыланады.
фото: freepik.com
