Алтын-валюта резервтеріндегі алтынның үлесі үш пайыздық тармаққа төмендеді. Ал басқа елдер, геосаяси тұрақсыздық кезеңдерінде, керісінше, бұл активті сатып алады. Қазақстанның жалпы халықаралық резервтерінің көлемі осы жылғы тамызда 42,7 млрд АҚШ долларға жетті, бұл бір жыл бұрынғыдан 27,2%-ға артық. Бұл жөнінде ranking.kz жазды.
Ақшамен есептегенде резервтердің жартысынан астамы алтында болды. Бұл 23,5 млрд АҚШ доллар — өткен жылдың тамыз айымен салыстырғанда 20,9%-ға көп. Ал еркін айырбасталатын валюталық активтер бір жылда 35,8%-ға өсіп, 19,3 млрд АҚШ долларға жетті. Бұл ретте жалпы халықаралық резервтегі алтынның үлесі бір жылда 57,7%-дан 54,9%-ға дейін төмендеді.
Сонымен қатар физикалық мәндегі, тоннадағы деректер әлдеқайда қызықты. Мәселен, осы жылдың жеті айының қорытындысы бойынша Қазақстанның алтын-валюта қоры бар болғаны 692,3 келіге өсті. Оның үстіне алғашқы төрт айда 22,3 тонна алтын сатып алынса, мамырдан шілдеге дейін Ұлттық банк керісінше 21,6 тонна асыл металды сатқан.
Бұған дейін, 2011–2021 жылдар аралығында Қазақстан белсенді түрде алтын сатып алған. Яғни, жылына 2,4-тен 50,6 тоннаға дейін болды. Осы кезеңде әлем бойынша барлығы 335,1 тонна алтын сатып алынған. Ал Қытай, Ресей және Түркия ғана Қазақстан Республикасына қарағанда алтынды белсендірек сатып алды. Алайда олардан айырмашылығы Қазақстан 2022 және 2023 жылдары 108,1 тонна алтын сатқан: 2022 жылы 50,7 тонна, 2023 жылы 57,4 тонна.
2022 жылы орташа есеппен алтынның бір трой унциясы 1,8 мың АҚШ долларды құрады. Келесі жыл баға бойынша рекорд орнады. 2023 жылдың сәуірінде алтынның бір трой унциясының бағасы 2 мың АҚШ долларына жетті, ал желтоқсанда рекорд жаңартылды. Яғни, екі мыңнан сәл астам АҚШ доллары болды.
Биыл алтынның бағасы ай сайын дерлік рекорд жаңартып, қыркүйекте 2,6 мың АҚШ долларды құрады. Қазан айының басында алтынның бағасы көтерілуін жалғастырды және бір троя унциясы үшін 2,7 мың АҚШ долларға жетті.
Қазақстанда бір грамм алтынның құны 41 мың теңгеден асты
Дүниежүзілік алтын кеңесі Халықаралық валюта қорының қаржылық статистикасына сүйенсек, Қазақстан алтын қоры бойынша әлемде 18-орында тұр.
Дүниежүзіндегі алтынның көп бөлігі орталық банктердің қолында. Олар бұл резервтерді олардың қауіпсіздігі, өтімділігі және табыстылығы үшін сақтайды. Бұл мекемелер тарих бойы өндірілген алтынның шамамен бестен біріне ие.
Жалпы ресми әлемдік алтын қоры 30,1 мың тоннаға жетеді. Ең үлкен көлемі – АҚШ-қа тиесілі. Бұл 8,1 мың тоннаны құрайды, оның жартысы АҚШ-тың әйгілі Форт Нокс депозитарийінде сақталған. Екінші және үшінші орындарда – 3,4 мың және 2,5 мың тонна алтын көлемімен Германия мен Италия тұр.
Францияда (2,4 мың тонна), Ресейде (2,3 мың тонна), Қытайда (2,3 мың тонна) және Швейцарияда (1 мың тонна) да айтарлықтай қор бар.
Қазір елде бір грамм алтынның құны 41 мың теңгеден асады. Былтыр бағалы металды сатып алған азаматтардың қазір жылдық табысы 40 пайызға жуықтаған. Бағаның көтерілуіне әлемдегі саяси және экономикалық оқиғалар әсер етті.
Биылдыққа алтын 11 мың теңгеге қымбаттады. Мәселен, 3 қаңтарда Ұлттық банктің есебі бойынша 1 грамм алтын 30 323 теңге 51 тиынға бағаланған еді.
Сурет: freepik.com
