Ислам даму банкі Қазақстанда су инфрақұрылымы бойынша жобаларды атқаруға қомақты қаражат бөлді. Банк 3,5 млн доллар өтеусіз грант қаражатын бағыттады. ҚР Үкіметі мен ИБД өкілдері Бакуде келісім құжаттарына қол қойды.
Үкіметтің баспасөз қызметінің мәліметіне сай грант қаражатына елорда мен Ақмола, Алматы, Жамбыл, Қызылорда, Түркістан, Батыс Қазақстан, Жетісу облыстарында және Астана қаласында бірнеше жобаны жүзеге асыру жоспарланған:
- Астана су қоймасын толықтыру;
- Төрт жаңа қойма салу;
- Төрт қойманы жаңғырту;
- 115 арнаны реконструкциялау және жаңалау.
2024 жылдың көктемінде Қазақстанның бірнеше өңірінде су тасқыны орын алды. Осы кезеңде Үкіметтің тасқынға дайындығы нашар болып шықты. Бірнеше су қоймасы мен басқа да инфрақұрылымдардың талапқа сай салынбағаны анықталды.
Осыған байланысты Су рерустары және ирригация министрлігі жаңа шараларды қолға алды. Биыл жаңа Су Кодексінің жобасын әзірлеп, Мәжіліске ұсынды. Оған қоса Су ресуртарын басқару жүйесін дамытудың 2024-2030 жылдарға арналған тұжырымдамасын дайындады. Тұжырымдама бойынша белгіленген кезеңде 42 су қоймасын салу, 37 су қоймасы мен 14 450 шақырым каналды қайта жаңғырту көзделген.
Аталған министрлік 2024 жылы су шаруашылығы нысандарын дамыту мақсатында 411 іске қосылғанын хабарлады. Оның ішінде суармалы жерді қалпына келтіру, 203 су арнасын салу және жөндеу қарастырылған.
30 қазандағы жағдай бойынша Қазақстандағы су қоймаларының толу көрсеткіші:
- Оңтүстік облыстарда – 55%,
- Солтүстік облыстарда – 79%,
- Орталық өңірде – 85%,
- Батыстағы облыстарда – 44%,
- Шығыстағы облыстарда – 89% су жиналған.
Айта кетейік, Sarapshy.info Орта Азия елдері Қазақстанға 11 млрд текше метр су жіберуге келіскені туралы жазды.
Сурет: kazgazeta.kz
