Қазақстанда жылдық инфляция өсті. Қаңтар айында тұтыну бағалары 8,9%-ға өсіп, желтоқсанмен салыстырғанда 0,3 пайызға жоғарылады. Бұл – 2023 жылдың ақпанынан бергі ең үлкен өсім. Бұл туралы Data Hub аналитикалық арнасы жазды.
2024 жылдың соңғы айында елдегі жылдық инфляция 8,6%-ға өскен еді. Ең жоғарғы көрсеткіш Астана қаласында болды.
Бағаның қымбаттауы азық-түлік тауарлары мен ақылы қызметтерге де әсер етіп жатыр.
Азық-түлік тауарлары бір жылда 5,8%-ға өсті. Әсіресе, картоп (+59,3%) пен пияз (+25,1%) бағасы шарықтап кетті.
Азық-түлік емес тауарлар – 8,4%-ға қымбаттады. Ең көп қымбаттаған тауарлар қатарында аудиовизуалды жабдықтар (+41,5%), зергерлік бұйымдар (+24,9%) және Қазақстанда құрастырылған жаңа жеңіл автокөліктер (+22,9%) бар.
Ақылы қызмет 13,8%-ға өсті. Тұрғын үй-коммуналдық қызметінің тарифтері көтеріліп, сонымен қатар кешенді демалыс ұйымдастыру бағасы (+26%) да айтарлықтай өскен.
Сурет: Pexels.com
