2025 жылдың шілде айында Ұлттық қауіпсіздік комитетінің Сыбайлас жемқорлыққа қарсы қызметі 17 қылмыстық іс тіркеді. Сыбайлас жемқорлық туралы хабарлаған екі азаматқа жалпы сомасы 472 мың теңге көлемінде сыйақы төленді. Бұл туралы ведомствоның ресми хабарламасында айтылды.
Аталған істер Қазақстан Республикасы Қылмыстық кодексінің келесі баптары бойынша сараланған:
- 362-бап – билікті немесе лауазымдық өкілеттіктерді асыра пайдалану – 3 дерек;
- 366-бап – пара алу – 5 дерек;
- 367-бап – пара беру – 4 дерек;
- 190-бап – алаяқтық – 2 дерек;
- 147-бап – жеке өмірге қолсұғылмаушылықты және дербес деректерді қорғау заңнамасын бұзу – 1 дерек;
- 361-бап – лауазымдық өкілеттіктерді теріс пайдалану – 1 дерек;
- 364-бап – кәсіпкерлік қызметке заңсыз араласу – 1 дерек.
Айдың қорытындысы бойынша 16 қылмыстық іс сотқа жолданған. Оның ішінде:
- 189-бап – сеніп тапсырылған бөтен мүлікті иемденіп алу – 1 іс;
- 190-бап – алаяқтық – 6 іс;
- 206-бап – ақпаратты заңсыз жою немесе өзгерту – 1 іс;
- 218-бап – заңсыз жолмен алынған мүлікті заңдастыру – 1 іс;
- 361-бап – лауазымдық өкілеттіктерді теріс пайдалану – 1 іс;
- 366-бап – пара алу – 2 іс;
- 367-бап – пара беру – 3 іс;
- 433-бап – қылмысты жасыру – 1 іс.
Сыбайлас жемқорлыққа байланысты істер бойынша мемлекетке 113,6 млн теңге көлемінде келтірілген залал қайтарылды. Сонымен қатар, жалпы құны 619 млн теңгені құрайтын ұрланған мүлік тәркіленді.
фото: freepik.com
