«ForteBank» АҚ «Home Credit Bank» АҚ-тың 100% акциясын сатып алады. 27 маусым күні ForteBank акционерлері келісімге қол жеткізгенін хабарлады.
Енді Бәсекелестікті қорғау және дамыту агенттігі мен Қазақстан Республикасы Қаржы нарығын реттеу және дамыту агенттігі мәмілені мақұлдауы керек.
«ForteBank» пен «Home Credit Bank» тұтынушыларына бұрынғы талаптарға сәйкес қызмет көрсетіледі – қолданыстағы барлық шарт өз күшінде қалады, банктердің міндеттемелері толық көлемде орындалады», — деп хабарлады ForteBank баспасөз қызметі.
ForteBank биылғы алғашқы үш айда 45,9 млрд теңге табыс тапты. Банк иесі – Болат Өтемұратов.
Айта кетейік, Kaspi.kz акционері Вячеслав Ким Jusan Bank-тің 97,5% акциясын сатып алмақ. Қаржы нарығын реттеу және дамыту агенттігі маусым айы басында осы келісімді мақұлдады.
