Орал қаласындағы Шаған өзені үстіндегі көпір құрылысының құны бастапқы жоспарланған 11 млрд теңгеден 35 млрд теңгеге дейін өсті. Бұл туралы жергілікті басылым ақпарат таратты.
Көпір жаңа Ақжайық шағынауданынан қала орталығына тіке қатынауға мүмкіндік береді. Зашаған кентіндегі Исатай-Махамбет көшесінде көлік кептелісі күшейіп келеді.
Обыстық мәслихат сессиясында депутаттар жобаның кейінге шегеріліп, бағасы қымбаттағанын мәлімдеді. Көпір құрылысы туралы 2019 жылдан бері айтылып келеді. Кейін жоба бірнеше рет өзгеріп, 2022 жылдан бері құжаттама дайындау кезеңінен аса алмады.
Көпір құрылысы бойынша қазіргі уақытта техникалық-экономикалық жоба әзірленіп жатыр.
Облыстық жолаушылар көлігі және автомобиль жолдары басқармасының басшысы Марат Қуаншалиевтің айтуынша, көпір техникалық тұрғыдан күрделі нысан саналады.
Жобаның құны 35 млрд теңгеден асады. Көпір құрылысы мен жобасын әзірлеумен бір мердігер ғана шұғылданбақ.
фото: dreamstime.com
