БҚО экономикалық тергеп-тексеру департаменті әлеуметтік маңызы бар азық-түлік өнімдері бағасына мониторинг күшейтілгенін хабарлады.
Департамент мәліметінше, картоп бағасы 725,5%, пияз 381,5%, қарақұмық 225,8%, тауықтың сан еті 92,6%, ал жұмыртқа 54%-ға дейін негізсіз қымбаттағаны анықталды.
Заңнамаға сәйкес әлеуметтік маңызы бар азық-түлік өнімдерінің бағасына қосылатын үстеме өндіруші немесе көтерме жеткізушінің бағасының 15%-нан аспауға тиіс. Аталған талапты бұзғандар Әкімшілік құқық бұзушылық туралы кодекстің 204-4-бабы бойынша («Әлеуметтік маңызы бар азық-түлік тауарларына сауда үстемесінің шекті мөлшерін арттыру») жауапкершілікке тартылады.
2025 жылы бұл бап бойынша 9 көтерме сауда нысаны жазаланды.
фото: freepik.com
