Батыс Қазақстан облысында жеке тұрғын үйде болған өрттен үш адам қаза тапты. Бұл туралы өңірлік төтенше жағдайлар департаменті хабарлады.
25 қаңтарда кешкі уақытта Бөрлі ауданы Ақсай қаласындағы Северный көшесі бойындағы жеке тұрғын үйде өрт шықты. Өрт сөндіру бригадалары келген сәтте үй отқа оранып үлгерген. Үйдің ішінен үш адамның денесі табылды.
Жалпы 90 шаршы метр аумақ жанып кеттті. Жұмылдырылған күштер құрамында 14 адам және 3 бірлік техника болды. Өрттің шығу себебі әлі белгісіз.
Айта кетейік, 7 қаңтар күні Бәйтерек ауданының Көшім ауылындағы тұрғын үй өртенді. Осы үйден екі адамның мәйітін алып шықты.
Жыл басынан бері БҚО-да жалпы 20 өрт дерегі тіркелді.
Қаңтар айында өртенген үйлерден 5 адамның денесі табылды. Қазіргі кезде сот-медициналық сараптама тағайындалды.
фото: freepik.com
