Энергетика министрлігінің мәліметіне сүйенсек, 2024 жылдың қаңтар-қазан айлары аралығында Қазақстанның магистральды құбырлар арқылы 57,8 млн тонна мұнай тасымалданған.
Оның ішінде:
- Отандық мұнай өңдеу зауыттарына жеткізілген мұнай: 15,1 млн тонна (жалпы көлемнің 26%-дан астамы).
- Каспий құбыр консорциумы арқылы тасымалданған мұнай: 46,3 млн тонна.
- «Атырау-Самара» учаскесі арқылы тасымал: шамамен 7,2 млн тонна.
- Германияға жеткізілген мұнай: 1,2 млн тонна.
Ақтау порты арқылы тасымал:
- Жалпы көлем: 3,1 млн тоннадан астам.
- Махачкала портына: 1,6 млн тонна.
- «Баку – Тбилиси – Джейхан» бағытына: 1,2 млн тонна.
«Атасу – Алашанькоу» мұнай құбыры:
Бұл бағыт бойынша 1 млн тоннадан астам мұнай тасымалданды.
Мұнай транзиті:
Қазақстан аумағы арқылы жалпы көлемі 8,4 млн тонна мұнай транзиті жүзеге асырылды, оның ішінде:
- Ресей – Қытай бағыты: 8,2 млн тонна.
- Ресей – Өзбекстан бағыты: 217 мың тонна.
Еске салайық, осыған дейін ел бойынша мұнай-газ-химия өнімдерін өндіру көлемі жыл басынан бері 460,7 мың тонна болғанын жазған едік.
2024 жылы Қазақстанның мұнай саласында және ОПЕК+ келісімдері аясында бірнеше маңызды оқиға болды.
- ҚР Энергетика министрлігі 2023 жылы 30 қарашада өткен ОПЕК+ 36-кездесуінде Қазақстан және ОПЕК+ ұйымына мүше басқа елдер әлемдік мұнай нарығында тұрақтылық пен тепе-теңдікті сақтау үшін 2024 жылғы қаңтардан бастап жаңа ерікті міндеттемелер қабылдағанын хабарлады. 2024 жылдың 2 маусымында өткен ОПЕК+ 37-кездесуінің шешімі бойынша Қазақстан 2025 жылдың қыркүйегіне дейін асыра орындалған өндіру көлемін біртіндеп өтейді.
- Қазақстан мен Қытай арасындағы ынтымақтастық: 2024 жылғы 30 тамызда Бейжіңде Энергетика министрі Алмасадам Сәтқалиев бастаған Қазақстан делегациясы Қытайдың энергетика саласындағы әріптестерімен кездесті. Кездесу барысында мұнай-газ және энергетика секторларындағы ынтымақтастық перспективалары талқыланды.
Сурет: Pixabay
