Қазақстанда соңғы 30 жылда минералды ресурстар қоры едәуір өскен. Атап айтқанда, темір, марганец, алтын, уран, мұнай және газ қорлары. Бұл туралы Үкімет отырысында Өнеркәсіп және құрылыс министрі Қанат Шарлапаев мәлімдеді.
Министрдің айтуынша, Қазақстанның минералдық-шикізат базасында қазіргі уақытта 987 қатты пайдалы қазба бар.
«Алтынның орнын толтыру коэффициенті – 1,2. Бұл алтынның барланған қорының көлемі алтын өндірудің көлемінен көп екенін көрсетеді. Мыс бойынша коэффициент – 0,7. Бұл ретте жер қойнауын пайдаланушыларымен мыс бойынша перспективалы жер қойнауы учаскелері белсенді түрде барлануда», — деді Қанат Шарлапаев.
2024 жылдың 3 желтоқсанындағы жағдай бойынша 1 грамм алтынның құны 44 478,91 теңге болды. Қазақстан Ұлттық банкінің мәліметінше, қазан айының соңында халықаралық резервтер мен шетел валютасындағы өтімділік құрамындағы алтынның жалпы сомасы 25 927,83 миллион долларды немесе 9,33 миллион трой унцияны құраған.
Осыған дейін сарапашылардың 2025 жылға арналған алтын болжамына қатысты пікірін жариялаған едік. Материалда келесі жылы алтын бағасы өсетіні айтылды. Жыл сайын елдегі қымбат метал құнының өседі. Бір грамм алтынның құны – 40 144,06 теңге. Бағаның осылай көтерілуіне әлемдегі саяси және экономикалық оқиғалар әсер еткен.
Сурет: primeminister.kz
