«Air Astana аспанның құдайы болып алған» — деді депутат Еділ Жаңбыршин Қазақстанның көлік-логистикалық әлеуметін аттыру мәселелеріне арналған үкімет сағатында.
Депутат Air Astana әуе компаниясы кешікке сағаттары үшін айыппұл төлемейтінін және ұшақтағы мультимедикалық контенті өзге тілде екенін айтып Питер Фостер мырзаға шүйлікті.
«Air Astana аспанның құдайы болып алған. Билеттің бәрі күн жақындаған кезде көтеріледі. Фостер мырза, сіз шаңыраққа қараңыз. Сіз осы мемлекеттің заңына бағынуыңыз керек» — деді.
«Сіз күлмеңіз. Сіз бізді менсінбей отырсыз»
Оның сөзінше, әр әуе компания бір сағат кешіккені үшін 3% айыппұл көлемінде төлеуі қажет. Бірақ Air Astana бұл айыппұлдан жалтарып жүр.
«2 тамызда Air Astana 2 сағатқа кешікті, әлі күнге дейін штрафты ала алмай жүрмін. Негізі сайтта қитұрқы схема жасап қойған. Компьютерді жақсы меңгерген, соның соңында ерінбей жүретін адам ғана ақшасын қайтара алады. Әдейі істеп қойған» — дейді Жаңбыршин.
Депутаттың ашуына тиген екінші мәселе – әуе компаниядағы мультимедиалық контентің басқа тілде болуы. Мәлімдемесі барысында Жаңбыршин Фостер мырзаға Қазақстан территориясында ұшатынын айтып, Қазақстан заңын сыйлауға шақырды.
Әріптесінің мәлімдемесіне жымиып реакция білдірген Фостер мырзаға «Сіз күлмеңіз. Сіз бізді менсінбей отырсыз. Біз сізге Африкадағы абориген емеспіз. Ештеңені түсінбейтін! Ойнамаңыз, бізді күліп менсінбей. Бұл Парламент! Осы жерде отырғандардың бәрі – халық сайлаған адамдар», – деді депутат.
Air Astanа – қазір Қазақстанның емес, Ирландияның компаниясы
Одан бөлек депутат Бақытжан Базарбек мырза да Air Astana компаниясына қатысты наразылығын білдірді. Ол Фостер мырзамен ерекше жағдайда танысқанын айтты.
«Еділ Терекбайұлы дұрыс айтты. Айтқан сөзінің жаны бар. Мен өзім куә болдым. Халық рейстен қалып, 8 сағат тұрды Фостер мырза сол халықтың жанынан өтті. Бәрі Air Astana деп шулап жатыр. Тоқтамай лаундж-барға кіріп кетіп, кофесін ішіп отырған. Мен де сол рейстің ішіндемін. Фостер мырзаның жанына барып, астында халық күтіп отыр, түсіңіз дедім. Ол кісі түспеді. Өзінің өкілдерін жіберіп қойған. Сонда түскісі келмейді. Халықпен кездескісі келмейді. Міне, қарым-қатынас осындай. Тек мен депутаттық куәлігімлді көрсеткеннен кейін ғана түсті», — деді Базарбек.
Бақытжан Базарбектің сөзінше, әуе компания іс жүзінде Қазақстанның емес, Ирландияның компаниясы. Депутат Air Astana әуе кемелерінің барлығы Ирландияға тіркелгенін, Қазақстан мұнымен келіскенін айтады. Сондай-ақ бюджеттен миллиардтаған субсидия қазақстандық емес, ирландиялық компанияға бөлініп отыр дейді.
Қазақстандағы ең ірі компанияға қатысты жиі болатындар шағымдар – әуебилеттердің билет бағасының жоғары болуы, рейстердің кешігуі және жолаушылар құқықтарының бұзылуы, монополия және бәсекелестіктің болмауы.
Cурет: Әуе компанияның баспасөз қызметі
